0

Ayaz Orucov vəzifə səlahiyyətindən sui istifadə edərək 20 sot torpağı qanunsuz olaraq zəpt edib (FOTO FAKT)

Baxış: 552

Beyləqan rayonu, Əlinəzərli kənd sakini Ruhid Məhəmməd oğlu Əliyev tərəfindən Press-az.com-un elektron ünvanına şikayət ərizəsi daxil olub.  

Sizə yazaraq bildirirəm ki,Beyləqan rayonundan keçmiş millət vəkili olan Ayaz Orucov vəzifə səlahiyyətindən sui istifadə edərək bizim ailəyə məxsus Beyləqan rayonunun mərkəzində qanuni sənədləri olan 20 sot torpaqımızı qanunsuz olaraq zəbt edərək məcbur əlimizdən almışdır.Hakimiyyətin ona olan etimadından istifadə edərək başqalarının malını,mülkünü qanunsuz zəbt edib özününkiləşdirən quldur Ayaz Orucov və onun tərəfdarları barəsində heç bir tədbir görülməmişdir.Bu barədə müvafiq hüquq mühafizə orqanlarına şikayət etsəkdə Ayaz Orucovun yüksək vəzifəli dostlarının hesabına şikayətimiz baxılmamış saxlanılıb. Məlumatınız üçün nəzərinizə çatdırırıq ki, Azərbaycan Respublikası Konstitusiyasının 29-cu maddəsinə əsasən mülkiyyət hüququ, o cümlədən xüsusi mülkiyyət hüququ, qanunla qorunur.Mülkiyyət hüququ mülkiyyətçinin təkbaşına və ya başqaları ilə birlikdə əmlaka sahib olmaq, əmlakdan istifadə etmək və onun barəsində sərəncam vermək hüquqlarından ibarətdir. Heç kəs məhkəmənin qərarı olmadan mülkiyyətindən məhrum edilə bilməz. Cinayət məcəlləsinə əsasən qanunla müəyyən edilmiş mülkiyyət, istifadə hüququ olmadan torpaq sahəsini özbaşına hasarlama  torpaq sahəsini başqa üsullarla özbaşına tutma  iki ilədək müddətə azadlıqdan məhrum etmə ilə cəzalandırılır.
Qanunla müəyyən edilmiş mülkiyyət, istifadə hüququ olmadan torpaq sahəsi üzərində özbaşına tikinti  işlərini aparma  üç ilədək müddətə azadlıqdan məhrum etmə ilə cəzalandırılır.Şəxs tərəfindən öz qulluq mövqeyindən istifadə etməklə törədildikdə  səkkiz ilədək müddətə azadlıqdan məhrum etmə ilə cəzalandırılır.Buna baxmayaraq hələdə Ayaz Orucov və onun tərəfdarları barədə cinayət işi açılmamış və cinayət məsuliyyətinə cəlb olunmamışlar.Beyləqan rayonunda bizim ailəyə məxsus əmlakı quldurcasına zəbt edən düşmənimiz olan mənfur erməni qəsbkarlarından fərqi olmayan Ayaz Orucova qarşı olan şikayətimizi öz nəzarətinizə götürməyinizi sizdən artıq dərəcədə xahiş edirəm.Ümid edirik Ayaz Orucov və onun tərəfdarları törətdikləri cinayət əməllərinə görə layiqli cəzalarını alacaqlar.


 
 



 
 
 

Sonda Beyləqan rayon sakini Ruhid Əliyev Pres-az.com-un vasitəsi ilə müvafiq qurumlara müraciət edərək, vəzifə səlahiyyətindən sui-istifadə edərək onun ailəsinə məxsus, qanuni sənədləri olan 20 sot torpaq sahəsini qanunsuz olaraq zəbt edən sabiq millət vəkili Ayaz Orucov barəsində lazımı ölçü götürülməsini xahiş edib.

Mövzu ilə əlaqədar qarşı tərəfin də mövqeyini işıqlandırmağa hazırıq.




 
MƏTNDƏ SƏHV TAPMISINIZ?

Maus ilə səhvi işarə et , CTRL+ENTER düymələrinə toxun
Səhvi açılmış pəncərədən bizə yollayın

Hazırladı: PressAz