İntim videonun yayıldığı məktəbdən reportaj (Fotolar) » Press-az
0

İntim videonun yayıldığı məktəbdən reportaj (Fotolar)

Baxış: 381

Videonun arxasındakı maraqlı həqiqətlər - yeniyetmələrin anaları rəfiqədir, ailə arasında get-gəl olub/Hadisə baş verən gün qızın anası övladını məktəbdən çıxardıb

Bakının 132-134 saylı Təhsil Kompleksinin geyinib-soyunma otağında gizli kamera vasitəsi ilə çəkilən video geniş müzakirələr səbəb olub. Videoda 11-ci sinif şagirdi 7-ci sinif şagirdi ilə cinsi əlaqədə olur. Gənc oğlan hüquq-mühafizə orqanları tərəfindən saxlanılıb, onun barəsində Cinayət Məcəlləsinin 150.3.3. maddəsi ilə (aşkar surətdə on dörd yaşına çatmayan şəxslə seksual xarakterli əməllər törətmək) cinayət işi başlanılıb.

YÜKSƏK SƏVİYYƏDƏ MÜHAFİZƏ – İÇƏRİ YAD ADAM GİRƏ BİLMƏZ

Musavat.com əməkdaşı hadisənin yayıldığı gündən etibarən bir-birindən fərqli informasiya və şayiələrin yayıldığını nəzərə alıb, sözügedən kompleksdə olub.

Saat 14.00 radələrində kompleksə daxil olduq. İkinci növbənin dərsləri başladığı üçün koridorlar boş və səssiz idi. Qapıda xüsusi uniforma ilə dayanan nəzarətçiyə direktorla görüşmək istədiyimizi dedik. O da daxili telefonla öncə direktorun müavini ilə əlaqə saxladı, sonuncu ilə qısa söhbətdən sonra kompleksin direktoru Sara Xanlarova ilə görüşə bildik.

Öncə qeyd edək ki, videonun yayıldığı gündən etibarən cəmiyyətdə, xüsusən də sosial şəbəkələrdə bir-birindən fərqli informasiyalar yer alır. Daha çox məktəbin bu məsələdə məsuliyyət payı müzakirə olunur. Çünki dərs saatında iki şagirdin rahatlıqla otaqlardan birində belə bir əməl etməsi məktəbdə nəzarət probleminin olması kimi qəbul edilir. Məktəblə ilkin tanışlıq zamanı məlum olur ki, son dərəcə yüksək təmirli, nəzarətli və intizamlıdır. Qapıda nəzarətçilər, koridorlarda növbətçilər. Yad adamın məktəbə daxil olması dərhal diqqəti cəlb edir və eyni zamanda bir neçə nəfər sizin kimliyinizlə ciddi şəkildə maraqlanır. Bəs belədirsə, o neqativ hal necə yaşanıb?

DİREKToR SARA XANLAROVA: “BU HADİSƏDƏ CAVABI HƏLƏLİK BƏLLİ OLMAYAN ÇOXLU SUALLAR VAR”

S.Xanlarova əməkdaşımızla söhbətində bildirdi ki, onlar da bütün Azərbaycan cəmiyyəti kimi bu hadisədən olduqca təsirləniblər və hələ də şokdadılar. Təhsil kompleksinin direktoru hadisədə çoxlu sayda cavabı hələlik bəlli olmayan suallar olduğunu dedi: “Bilirsiniz ki, hazırda istintaq gedir. Ona görə də mən nə desəm, istintaqa təsir etmiş və reallığı əks etdirməmiş olacağam. İcazə verin, istintaq ilkin rəyini desin, ondan sonra biz sizinlə danışarıq”.

QIZIN ANASI FEVRALIN 9-DA MƏKTƏBƏ GƏLİB VƏ...

Amma “Yeni Müsavat” bu hadisənin izi ilə bir neçə ilginc həqiqətləri üzə çıxarıb. Bunlardan birincisi, hadisənin iştirakçılarından olan, 7-ci sinif şagirdi qızın məktəbdən qovulması ilə bağlı iddiadır. Məktəb rəhbərliyinin də təsdiqlədiyi məlumata görə, videonun yayıldığı gün, yəni fevralın 9-da qızın anası məktəbə gəlib və ərizə yazaraq qızını məktəbdən çıxartdırıb. Ümumiyyətlə, qız ilk gündən bu məktəbdə oxumayıb, onu başqa məktəbdən bura gətiriblər. Valideyni də bu hadisədən dərhal sonra onun 132-134 saylı Təhsil Kompleksində təhsilini davam etdirməsini doğru saymayıb. Hazırda qız sözügedən məktəbin şagirdi sayılmır. Valideyni ərizəsində də qeyd edib ki, uşağın təhsilini evlərinə yaxın olan N saylı məktəbdə davam etdirmək istəyir.

OĞLANIN SƏNƏDLƏRİ HƏLƏ MƏKTƏBDƏDİR, TƏHSİLİNİ ORDA DAVAM ETDİRƏCƏK

Amma 11-ci sinif şagirdi olan oğlanın sənədləri hələ də məktəbdədir. Buraxılış sinfində olan yeniyetmə bütün hallarda sözügedən məktəbdə təhsilini davam etdirəcək.

İkinci ilginc məlumat isə qızın ailəsinin oğlandan şikayətçi olmamasıdır. Belə ki, tərəflərin anaları yaxın rəfiqədirlər və ümumiyyətlə, ailə arasında get-gəl var. Bu səbəbdən də ailələr məsələnin hüquq müstəvisində həllinin ilk gündən tərəfdarı olmayıb. Amma hadisə yayılandan sonra Azərbaycan qanunlarının müdaxiləsi qaçılmaz olub.

OĞLAN MƏRHUM GENERAL ZAUR RZAYEVİN NƏVƏSİDİR

Hər iki yeniyetmə məktəbin rus bölməsində oxuyur. Məktəb müəllimlərində və rəhbərliyində onlarla bağlı neqativ hər hansı rəy yoxdur. Hər ikisi orta qiymətlər alan, nizam-intizamı ilə seçilən olub. Bu baxımdan da belə şagirdlərin qismində neqativ bir hadisənin üzə çıxması məktəb kollektivini təəccübləndirib. Qız şagirdin bir qədər ərköyün olması faktını isə xüsusi vurğulayırlar.

Məktəbdə olarkən eyni zamanda onu da öyrəndik ki, 11-ci sinif şagirdi olan R.C. sabiq müdafiə nazirinin yox, müdafiə nazirinin sabiq müavininin nəvəsidir. Yəni, söhbət Dadaş Rzayevin yox, Zaur Rzayevin nəvəsindən gedir. Məktəbdə bu ailə olduqca müsbət xarakterizə olunur və bu günə qədər R.C-nin məktəb həyatında hər hansı neqativ olayın baş vermədiyi qeyd edilir.

Məktəbdə eyni zamanda bu xoşagəlməz hadisənin necə baş verməsi ilə bağlı bir çox versiyalar var. Əsas versiya isə onun qurama, montaj olması ilə bağlıdır. Bunun yeniyetmələr arasında yayılan aqressiv bir zarafat ola biləcəyi ehtimalı məktəb koridorlarında daha çox danışılır. İstintaq videonun kim tərəfindən yayılması məsələsini araşdırır.

Məktəbin geyinib-soyunma otağının açarı isə nəzarətçilərdə olur. Bu baxımdan da iki yeniyetməni dərs vaxtı və ya dərsdən sonra bu hərəkəti orda etməsi sual doğuran məqamlardan sayılır. İlkin versiyalara görə, hadisə böyük tənəffüsdə baş verib.

2700 ŞAGİRDİN TƏHSİL ALDIĞI, 92 KAMERA İLƏ NƏZARƏT EDİLƏN MƏKTƏB

Ümumiyyətlə, məktəbdə 92 kamera var və pultla idarə olunan mərkəzi sistemə malikdir. Məktəbin nəzarətçiləri isə uşaqları hər valideynə təhvil vermir. Tutaq ki, şagirdi məktəbə anası gətiribsə, dərsdən çıxanda da ona təhvil verir. Atası gəlib götürəcəyi halda bu barədə ananın razılığı məktəb nəzarətçisinə bildirilir. 2700 şagirdin təhsil aldığı məktəbdə dərslər ikinövbəlidir və səhər saat 8.00-dən 17.00-ə qədər davam edir.

Baş vermiş hadisədən sonra məktəbdən uşağını çıxaran valideynlərin olub-olmaması ilə maraqlandıq. Məlum oldu ki, belə istəklə heç kim müraciət etməyib. Əksinə, valideynlər direktora bu olaydan sonra dəstək verir və onun yanında olduqlarını bildirirlər.

YENİYETMƏ QIZ DAMARLARINI KƏSİB?

Bu arada hadisənin iştirakçısı olan qızın fevralın 10-da “Instagram”da canlı yayıma çıxaraq damarlarını kəsməyə başladığı xəbərləri yayılıb. Bu barədə Oxu.Az-a açıqlamasında hüquq müdafiəçisi, Azərbaycan Uşaqlar Birliyinin rəhbəri Kəmalə Ağazadə deyib.

“Görünür ki, qız bundan əvvəl də zorakılığın qurbanı olub, lakin bu barədə heç kim danışmır. Mən inanmıram ki, oğlanı həbs etsinlər. Hər şeydə qızı günahlandıracaqlar və onu heç kim müdafiə etməyəcək. Onlar başa düşməlidirlər ki, qız zorakılığın qurbanıdır. O uşaqdır, 13 yaşı var və böyük psixoloji problemləri var», – Kəmalə Ağazadə deyib.

Hüquq müdafiəçisi qeyd edib ki, məktəbdən qovulma ən ağır cəza deyil. Cəmiyyət iki düşərgəyə bölünüb: biri qızı qınayır, digəri müdafiə edir. K. Ağazadə qeyd edib ki, qızın anası psixoloqdur və o, övladının müdafiəsinə qalxmalıdır.

“İndi ilk növbədə, bu videonu çəkən və yayanları cinayət məsuliyyətinə cəlb etmək lazımdır. Bir çoxları bu videonu axtarır və baxmaq istəyir. Burada uşaq pronoqrafiyasının yayılması faktı var. Qızı məktəbdən qovdular, sonra? Onlar Azərbaycandan getməlidirlər?”, – K. Ağazədə sual verir.

Hüquq-müdafiəçisi ictimaiyyəti qızın müdafiəsinə qalxmağa, ona bu vəziyyətdən çıxmaqda kömək etməyə çağırıb.

Mövzunu davam etdirəcəyik. Tərəflərin mövqeyini əks etdirməyə hazırıq.

MƏTNDƏ SƏHV TAPMISINIZ?

Maus ilə səhvi işarə et , CTRL+ENTER düymələrinə toxun
Səhvi açılmış pəncərədən bizə yollayın

Hazırladı: PressAz