0

Neftçala şəhər 4 saylı tam orta məktəbin direktoru Təhsil Nazirliyinin adından pul yığır-İDDİA

Baxış: 419
Elton Həbibov adına Neftçala şəhər 4 saylı tam orta məktəbin direktoru Balaşova Şəfəq Əlimərdan qızı ilə bağlı xeberdar.net-in elektron poçtuna ilginc məlumatlar göndərilib. 
Məlumatda bildirilir ki,direktor tutduğu vəzifəsindən sui-istifadə edərək qanunsuz işlərə imza atır:
“Bu məktəb Neftçalada ən çox qanun pozuntularının qeydə alındığı təhsil ocağı kimi tanınır. Məktəbdə yuxarı sinif şagirdlərinin dərsə davamiyyəti aşağı səviyyədədir. Ali məktəblərə repetitor yanında hazırlaşan 10 və 11-ci sinif şagirdləri direktorla “anlaşıb” aylığa çıxırlar. Bundan əlavə məktəbin direktoru işi o həddə çatdırıb ki, bu təhsil ocağında dərs alan şagirdlərdən aylıq “haqq” alır.”
Məlumatda əlavə olaraq iddia olunur ki, direktorun təlimatı ilə 9-cu sinifə qədər oxuyan şagirdlərdən hər ay 5 manatdan pul yığılır. Və bu məcburi qayda daşıyır. Həmin məbləğ 9-11-ci sinif şagirdləri üçün isə iki dəfə çoxdur. Yəni, 10 manat. Məktəbin direktoru bu pulları özü üçün deyil, Təhsil Nazirliyinin tapşırığı əsasında topladığını iddia edir. Deyilənlərə görə, direktor hətta birbaşa təhsil nazirliyinin əməkdaşı "K" ilə görüşdüyünü və pulları da bilavasitə ona verdiyini iddia edir.

Qarşı tərəfi dinləməyə və mövqeyini dərc etməyə hazırıq.
MƏTNDƏ SƏHV TAPMISINIZ?

Maus ilə səhvi işarə et , CTRL+ENTER düymələrinə toxun
Səhvi açılmış pəncərədən bizə yollayın

Hazırladı: PressAz