Makron: Fransa Qarabağ məsələsinin region xalqlarının marağına uyğun həllinə dəstək göstərəcək. » Press-az
0

Makron: Fransa Qarabağ məsələsinin region xalqlarının marağına uyğun həllinə dəstək göstərəcək.

Baxış: 52

Makron: Fransa Qarabağ məsələsinin region xalqlarının marağına uyğun həllinə dəstək göstərəcək.

Fransa region xalqlarının marağı daxilində Dağlıq Qarabağ münaqişəsinin nizamlanmasına dəstək göstərməkdə davam edəcək. Trend-in məlumatına görə, bu barədə Fransa Prezidenti Emmanuel Makronun Azərbaycan Prezidenti İlham Əliyevlə görüşünün yekunlarına dair Yelisey Sarayının yaydığı kommunikedə qeyd edilir.
Bəyanatda bildirilir: "Fransa Prezidenti vurğuladı ki, uzunmüddətli əsasda və regionun bütün xalqlarının marağı daxilində bu münaqişənin tək variant olan danışıqlar yolu ilə həllinin tapılmasında səylərini davam etdirəcək".
Qeyd edəki ki, 1988-ci ildə Ermənistan tərəfindən Azərbaycana qarşı ərazi iddiaları başladı.
Bir müddət sonra isə Ermənistan tərəfindən Azərbaycan ərazilərinə hərbi təcavüz başlandı. Dağlıq Qarabağ və ona sərhəd yeddi rayon - Azərbaycan ərazisinin 20 faizi - Ermənistan silahlı qüvvələri tərəfindən işğal olundu. Bu işğal faktoru hələ də davam edir.
1994-cü ilin mayında tərəflər atəşkəs rejiminə nail olublar. O dövrdən bu günə kimi ATƏT-in Minsk qrupunun himayəsində - Rusiya, Fransa və ABŞ-ın həmsədrliyi ilə uğursuz sülh danışıqları davam edir. İşğal olunmuş Dağlıq Qarabağ və ona sərhəd rayonların azad edilməsi barədə BMT Təhlükəsizlik Şurasının qəbul etdiyi dörd qətnamə isə Ermənistan tərəfindən bu günədək icra olunmayıb
trend.az
 P.S. Bu bəyanatdan da göründüyü kimi Fransa prezidenti Qarabağ münaqişəsinin Azərbaycanın ərazi bötövlüyü çərçivəsində həll edilməsinə dair  bir cümlə belə işlətməyib, BMT-nin Qarabağla 4 qətnaməsinə toxunmayıb.  Fransa yenə də erməni sevgisini açıq-aşkar biruzə verdi.
MƏTNDƏ SƏHV TAPMISINIZ?

Maus ilə səhvi işarə et , CTRL+ENTER düymələrinə toxun
Səhvi açılmış pəncərədən bizə yollayın

Hazırladı: PressAz