0

Ermənistanın yeni prezidenti Qarabağdan danışdı

Baxış: 954

 Ermənistanın yeni prezidenti Armen Sarkisyan hesab edir ki, Dağlıq Qarabağ münaqişəsinin nizamlanmasında Rusiyanın böyük rolu var.

Press-az.com-un xəbərinə görə, erməni lideri bu barədə TASS-a müsahibəsində deyib.

“Artıq 25 ildən çox bir müddətdir ki, danışıqlar ATƏT-in Minsk Qrupunun formatında həmsədrlər tərəfindən təklif edilən nizamlanma prinsipləri və elementləri əsasında aparılır.

Rusiya həmsədr dövlətlərdən biri kimi Dağlıq Qarabağ münaqişəsinin həlli prosesində əsas rol oynayır”, - Ermənistan prezidenti bildirib.

Sarkisyan qeyd edib ki, 23 il əvvəl atəşkəs rejimi barədə üçtərəfli razılıq məhz Rusiyanın vasitəçiliyi sayəsində əldə olunub:

“Biz münaqişənin sülh yolu ilə həllinə yönələn bu vasitəçilik səylərini yüksək qiymətləndiririk”.

Prezident bildirib ki, bütün regional münaqişələr son nəticədə öz həllini tapır.

“Tarix bundan da amansız və dramatik münaqişələr görüb”, - deyə o  yekunlaşdırıb.

MƏTNDƏ SƏHV TAPMISINIZ?

Maus ilə səhvi işarə et , CTRL+ENTER düymələrinə toxun
Səhvi açılmış pəncərədən bizə yollayın

Hazırladı: PressAz