0

SOCAR-da korrupsiya qalmaqalı: Rəhman Qurbanov bitirilir

Baxış: 2 023

SOCAR-da ciddi kadr dəyişiklikləri gözlənilir.

Tendensiya.com-a daxil olan məlumata görə, SOCAR-ın neftin, qazın nəqli və qaz təsərrüfatı məsələləri üzrə vitse-prezident Rəhman Qurbanov vəzifəsindən çıxarılacaq. Onun SOCAR rəhbərliyi başda olmaqla siyasi hakimyyətlə də problem yaşadığı deyilir.

Qeyd edək ki, 18 elmi-məqalə, 22 patent və ixtira, 6 monoqrafiyanın müəllifi Rəhman Qurbanov siravı neftçidən indiki vəzifəsinə qədər irəliləyib. Və SOCAR rəhbərliyində tanınmış simalardan biridir. Bununla belə Rəhman Qurbanovun adı bir-neçə dəfə korrupsiya qalmaqallarında hallanıb.


 Rəhman Qurbanovun Azərbaycanda və eləcə də, ABŞ və Avropa ölkələrində dəyəri milyonlarla ölçülən daşınmaz əmlaka sahibdir. Bütün bu əmlaklara isə Rəhman Qurbanovun SOCAR-da vitse-prezident vəzifəsində çalışdığı dövrdə sahib olduğu deyilir.

Belə ki, SOCAR-ın Böyük Britaniyada rəsmi nümayəndəliyinin direktoru olmuş Rüfət Əfəndiyev SOCAR-ın vitse-prezidenti Rəhman Qurbanovdan Prezident İlham Əliyevə şikayət ünvanlayıb.

Rüfət Əfəndiyev dövlət başçısına ünvanladığı məktubda SOCAR-ın vitse-prezidenti Rəhman Qurbanovun qızı Səidə ilə 18 il evli olduğunu, birgə nikah dövründə Bakıda və xaricdə xeyli əmlak aldığını, 2016-cı ildə boşandıqdan sonra isə müəyyən təzyiq nəticəsində Bakıdakı bütün daşınmaz əmlaklarından Səidə Əfəndiyevanın xeyrinə imtina etdiyini qeyd edirdi.

SOCAR-ın vitse-prezidentinin keçmiş kürəkəni Azərbaycan Prezidentinə ünvanladığı şikayət məkubunda xaricdəki mülklərinin Rəhman Qurbanovun zorla əlindən almaq istədiyini yazmışdı.

Bir müddət əvvəl qlobal.az-ın saytının yaydığı məlumatda bildirilirdi ki, bu hadisədən sonra Rəhman Qurbanovun gizli olaraq xaricdə böyük kapitala sahib olduğu aşkarlanmışdır.

Vitse-prezidentin bu əməlləri-kassadan gizli miyonlar yayındırmağı hakimiyyətin yuxarı instansiyalarında da böyük narahatçılıq yaradıb. Buna görə, də yaxın zamanlarda Rəhman Qurbanovun vitse-prezidentlik vəzifəsində azad olunacağı, onun yerinə isə Neft Kəmərləri İdarəsinin rəisi Vasif Əmirovun təyin olunacağı deyilir.

Bu arada qeyd edək ki, Rəhman Qurbanov Rüfət Əfəndiyevin SOCAR-la bağlı kompromatları xarici mediaya sızdırdığı ilə bağlı məlumatlar dövriyyəyə buraxaraq onun siyasi hakimiyyətin qəzəbinə gətirməyə də çalışdığı deyilir.

Mövzu ilə nağlı araşdırmalarımız davam edir.

MƏTNDƏ SƏHV TAPMISINIZ?

Maus ilə səhvi işarə et , CTRL+ENTER düymələrinə toxun
Səhvi açılmış pəncərədən bizə yollayın

Hazırladı: PressAz