0

Gömrüklə bağlı dəyişiklik - Nazirlər Kabineti yeni ödəniş qaydalarını təsdiqlədi

Baxış: 1 003
Nazirlər Kabineti "Gömrük ödənişlərinin qaytarılması Qaydaları”nda dəyişikliklər edib.
Press-az.com xəbər verir ki, həmin qaydalara aşağıdakı dəyişiklik edilib:
1. 2.2-ci bənddə "əsasən Azərbaycan Respublikası gömrük sisteminin büdcədənkənar inkişaf fondundan” sözləri "uyğun olaraq Gömrük Məcəlləsinin 334-cü maddəsinə əsasən Azərbaycan Respublikası Dövlət Gömrük Komitəsinin hesabına köçürülən vəsaitdən” sözləri ilə əvəz edilsin.
2. 6.9-cu bənddə "Azərbaycan Respublikasının Dövlət Gömrük Komitəsinə sözləri "Komitəyə” sözü ilə əvəz edilsin.
3. 6.10-cu bənddə "Azərbaycan Respublikasının gömrük sisteminin büdcədənkənar inkişaf fondundan” sözləri "Gömrük Məcəlləsinin 334-cü maddəsinə əsasən Komitənin hesabına köçürülən vəsaitdən” sözləri ilə əvəz edilsin.
4. 7.4-cü bənd aşağıdakı redaksiyada verilsin:
"7.4. Gömrük yığımları və haqq qaytarılarkən, Gömrük Məcəlləsinin 334-cü maddəsinə əsasən Komitənin hesabına köçürülən vəsaitin mədaxili faktiki qaytarılmış məbləğ qədər azaldılır”.
MƏTNDƏ SƏHV TAPMISINIZ?

Maus ilə səhvi işarə et , CTRL+ENTER düymələrinə toxun
Səhvi açılmış pəncərədən bizə yollayın

Hazırladı: PressAz