0

MBH-ın üzvü Əhsən Nuruzadənin ev dustaqlığına buraxılması məsələsinə baxılacaq

Baxış: 221

Müsəlman Birliyi Hərəkatının üzvü, ilahiyyatçı Taleh Bağırzadənin tərəfdarı və Nardaran hadisələri iləbağlı məhkəmələrin fəal iştirakçısı olan Əhsən Nuruzadənin ev dustaqlığına buraxılması üçün məhkəməyəmüraciət olunub. Dindar fəalın vəkilinin bu haqda vəsatətinə oktyabrın 24-də Nərimanov Rayon Məhkəməsində hakim Rəşad Abdulov baxacaq. Bu haqda “Azadliq.info”ya vəkil Yalçın İmanov məlumat verib.

Ə.Nuruzadə oktyabrın 6-da DİN-in Baş Mütəşəkkil Cinayətkarlıqla Mübarizəİdarəsinin əməkdaşları tərəfindən həbs olunub. Ona CM-nin 234.4.3 (satış məqsədi iləkülli miqdarda narkotik əlkə etmə, saxlama) maddəsi ilə ittiham verilib. Onun üzərindən 14,775 qram heroin tapıldığı iddia olunur.

Amma dindar fəal ittihamı rədd edir, narkotikin cibinə idarədə elə polis tərəfindən atıldığını bildirir.

“Məni döyə-döyə “bandotdel”in həyətinə gətirdilər. Həyətdə əllərimi qandallayıb binanın birinci mərtəbəsində bir otağa gətirdilər. Deyəsən,  şöbə rəisinin kabineti idi. “Rəis” olduğunu deyən bir nəfər əlini cibimə atdı ki, “görüm, cibində  var?” Əlini çıxartdı, iki nəfər hal şahidi çağırdılar. Onların yanında yenə bayaq rəisin əl saldığı cibimə baxdılar, bu dəfə üç balaca bükülüdə narkotik çıxartdılar”, – Əhsən Nuruzadəhəbs qərarından verilmiş şikayətə baxılarkən məhkəməsində danışıb.

Ə.Nuruzadə bundan öncə  iki dəfə – 19 yanvar və 24 sentyabrda DİN-in Baş Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanılıb, günlərlə onun yaxınlarına yeri haqda heç bir məlumat verilməyib, ardınca da hər dəfə10 sutka inzibati həbs cəzası verilməsi haqda danışıb. Hər iki məhkəmə qərarında da inzibati həbsin səbəbi eyni göstərilib – Baş Mütəşəkkil Cinayətkarlığa Qarşı Mübarizəİdarəsinin qarşısından keçəndə telefonla danışarkən söyüş söymək, onu intizama dəvət edən polislərə tabe olmamaq.

“Əhsənin budəfəki həbsi əvvəlkilərin davamıdır. Çünki əvvəlki saxlanmalar zamanı xəbərdarlıqlara əhəmiyyət vermədi, Taleh Bağırzadənin müdafiəsindən geri çəkilmədi, ictimai fəaliyyətini davam etdirdi”, – vəkili belə deyib.

Ə.Nuruzadə özü də bildirib ki, niyə cəzalandırıldığını ona açıq şəkildə deyiblər: “Məni öz maşınlarına mindirən kimi döyməyə başladılar. Döyməklə  kifayətlənmirdilər, həm də çox pis söyüşlər söyürdülər. Deyirdilər ki, “bizi boğaza yığdın sən, sənə nəqədər xəbərdarlıq elədik ki, bu yoldan çəkildin, nəticə çıxarmadın, Taleh Bağırzadədən əl çəkmədin, mitinqlərdə iştiraka, çağırışlara davam elədin”.

Dindar fəalın sözlərinə görə, ona iki variantda ifadə vermək təklif olunub: ya narkotiki küçədən tapdığı və polisə təhvil verməyə gedərkən saxlandığı, ya da cibindən çıxsa da, ona aidiyyəti olmadığı: “İşgəncələr nəticəsində məcbur olub yazdım ki, cibimdən tapılsa da, mənə aidiyyəti yoxdur. Halbuki, narkotiki cibimə polislər özləri atmışdı”.

MƏTNDƏ SƏHV TAPMISINIZ?

Maus ilə səhvi işarə et , CTRL+ENTER düymələrinə toxun
Səhvi açılmış pəncərədən bizə yollayın

Hazırladı: PressAz